Марий Элысе предприниматель-шамыч туризмым вияҥдаш кугыжаныш полышым налын кертыт.
«Великий Волжский путь» национальный турист маршрутым вияҥдаш субсидийым налаш йодмашым пуымо жап тӱҥалын. «Туризм и развитие гостеприимства» национальный проект кышкарыште мемнан республиклан национальный турист маршрутын инфраструктурыжым вияҥдаш грант ойыралтын. Проект-влакым илышыш шыҥдарышашлан пуымо кугыжаныш полышын кугытшо – 8 миллион теҥге. Сеҥыше-влакым ныл номинацийыште палемдат. Субсидий семын ойыралтше грантым турист ресурсым уэмдаш да тӱзаташ, навигаций элементым ямдылаш, турист-увер рӱдерым, санитарный модульым почаш ойырат.
Нине проект-влакым илышыш шыҥдарымаш Марий Элыште каныме йӧным шукемдаш, турист услугым пуышо-влакын пашаштым саемдаш да ты сферыш частный инвестицийым ушаш полшышаш.
Йодмашым 30 май гыч 17 июнь марте налыт.
Марий Эл вуйлатышын пресс-службыжын уверже негызеш С.Носова ямдылен.
Фотом Спорт да туризм министерствын лаштыкше ыч налме.
