Курыкмарий районысо администрацийын йодмыж почеш, Чебоксар водохранлищым стерлядь кол дене пойдареныт.
22 088 изи колым вӱдыш луктын колтеныт. Кажныже кокла шот дене 3 граммыш шупшеш. Тиде паша Сумки села деке наҥгайыше автомобиль кугорным ыштыме дене тусо вӱд кумдыкын биоресурсшылан эҥгекым ыштымым компенсироватлаш манын шукталтын. Тидын нерген район администраций шке лаштыкыштыже увертарен.
Снимкыште: теве тыгай изи нуно улыт.
Фотом администрацийын лаштыкше гыч налме
