МАРИЙ ЭЛ : ТАЧЕ

Кӱзаш, лишемаш чаралтеш!

Шекланыза

Кӱзаш, лишемаш чаралтеш!

«Мариэнерго» ушештара: электролиний, подстанций, трансформатор пункт да моло энергоустройство каналтен коштмо, модмо да фотош войзалтме вер огытыл.

Нине объектым печылыме але петырыме гын, тушко пураш але тудым почаш тӧчымӧ ок кӱл. Тидыже илышлан лӱдыкшым ышта, тул пижын але электровий йӧрыкталт кертыт.

Шарныза, чара воштыр веле огыл эҥгекым ышта. Кугу напряжениян электрооборудований тӱкныдымӧ деч поснат лӱдыкшӧ – тудын деке лишеммат электрорпӱгӧ (электродуга) перымашке шуктен сеҥа.

Йоча ден кугыеҥ-влаклан палыман: энергоустановко лишне пижше мечым, модышым, юж кишкым лукташ шоныманат огыл. Энергообъект йыр печым локтылмо але тушко омсам почын шындыме гын, тидын нерген «Волгыдо линийын» 8-800-220-0-220 (кӱчык номерже – 220) телефонжо дене увертарыза. Шке семын тӧрлаш але петыраш ида тӧчӧ.

Тыгак электролиний меҥгыш кӱзаш, эектровоштыр деке лишемаш, ӱмбакше иктаж-мом кудалташ, воктене юж кишкым колташ чаралтеш. Тыгак электролиний лишне эҥыртоям, кужу кӱртньӧ узгарым кучылташ, тошкалтышым шогалташ, нӧлтышӧ технике дене пайдаланаш ок йӧрӧ. Эскерыза да шекланыза!

Юрий ИСАКОВ.

Снимкыште: лӱдыкшӧ нерген шижтарыше знак.

Фотом «Мариэнергон» пресс-службыж деч налме.

Добавить комментарий