12 мартыште Марий кугыжаныш университетыште «Чылажат сеҥымаш верч! МарГУ: тукым-влак кокласе кыл» II тӱнямбал форум лиеш.
Тудо Кугу Отечественный сарыште Сеҥымашлан 80 ий теммылан пӧлеклалтеш да «Без срока давности» проект кышкарыште эртаралтеш.
Форумын участникше-влак – университетын студентше, палыме политике да мер деятель, тыгак историй, политологий да воспитаний паша дене специалист-влак.
Ты кечын «Знание» Россий обществе дене пырля икмыняр мероприятий эраралтеш. Тиде МарГУ-н почётан профессоржо, историй науко доктор Галина Рокинан «Институт кумдык: 1940-50-ше ийла» рукописьшын главаже-влакын презентацийже; окоплык сортам, кукшо душым, маскировко сетьым, тыгак тактический медицине дене мастер-класс-шамыч, СВО-участникше дене вашлиймаш.
Тидын деч посна форумышто «Молодая гвардиян» мландыштыже», «Фотокорреспондент Виктор Тёмин» да моло ончер дене палдарат.
Г.Кожевникова
Фотом Марий кугужаныш университетын сайтше гыч налме
