Кугыжаныш Погынын «Единый Россий» деч депутатше, АПК-м вияҥдыме, экологий да пӱртӱс дене пайдаланыме шотышто комитетын еҥже, партийын «Российысе села» проектшын общественный советшын председательже Сергей Ильин партийын ончылгоч йӱклымашкыже ушнен.
Тыгак тиде кандидат:
- кресаньык-фермер озанлык вуйлатыше, «Агропродукт» СПССПК-н председательже, «Агрорегион» ООО-н генеральный директоржо;
- Курыкмарий районышто фермер озанлык-влакын Марий ассоциацийыштын координаторжо;
- 2021 ийыште Марий Элын эн сай фермерже лӱмым сулен.
– Ончылгоч йӱклымаш – тиде еҥ-влак дене мутланымаш. Мый палем, мо тыгай мланде паша, ял кумдык-влакын улшо нелылыкыштым умылем да еҥ-влаклан полшаш ямде улам, – палемден Сергей Григорьевич.
Ончылгоч йӱклымаш май мучаште эрта. Кугыжаныш Думыш сайлымаште «Единый Россий» деч кандидат лияш кӧ сулымым лачшымак республикыште илыше-влак палемдат.
Любовь Камалетдинова
