ПАТЫРЛЫК СПОРТ

Россий – ончылно

3-17 августышто тўнямбал кўкшытан армейский модмаш визымше гана лийын. Ты гана тудо икмыняр элын (Азербайджан, Армений, Белоруссий, Иран, Казахстан, Китай, Монголий, Россий, Узбекистан) кумдыкыштыжо эртен. Тушто тений 25 эл гыч 221 команде куд тўжем утларак военнослужащий вийыштым тергеныт.

Та‰асымашке ятыр у дисциплиным пуртеныт. Российын сборныйжо танковый биатлонышто эн сай результатым ончыктен. 

Мутат уке, шукыштлан лач танковый биатлон келшен, тудым тургыжланен эскереныт. Кажне экипаж моткоч тыршен. Икымше ден кокымшо нимогай йо‰ылыш деч посна, манаш лиеш, ончылно лийыныт. Икымшыже трассын у рекордшым шынден. Тидыже ик сутка кучалтын, кокымшо экипаж тудым саемден (17 минутат 30 секунд). Тыгай деч вара «Россия-3» экипаж деч лач  се‰ымашым веле огыл, адакат у рекордым вученыт. Танкын командирже – Морко районысо Купсола кундем гыч лейтенант Дмитрий Иванов. Наводчик-оператор – старший сержант Федор Петелин, а механик-водитель – сержант Алексей Олеоленко. Чыланат Кечывалвел военнный округ гыч улыт. Российын ты экипажше дене пырля икымше дивизионын кандашымше (ты гана та‰асымашым кок дивизионлан пайленыт) заездыштыже тыгак Армений, Иран, Киргизий гыч танкист-влак лийыныт. Жребий почеш, россиян-шамыч йошкар тўсан Т-72Б3 дене выступатленыт. Омск область гыч 26 ияш Ф.Петелин мишеньыш моткоч туран да сайын снаряд-влакым колтылын, но кумшо гана лўйымє годым снарядше мишень деч шолашке каен. Тиде элнан сборныйжын икымше йо‰ылышыжо лийын. Экипаж вуйым сакен огыл. Трибунышто нунын верч тургыжланыше-влакын кычкырыме йўкышт пуйто вийым пуэн. Алексей, танкым верже гыч тарватен, штрафоной йырыш кудалын. Икмыняр шўдє метрым моткоч писын эртеныт, армян-шамычын танкыштым почеш коденыт.

Теве ончылно – кугу лаке, огневой полоса, чаракан кўвар, адакшым минно-взрывной вер… Тыге, полигонышто 400 метр кужытан йырым коден, Д.Ивановын танкше зенитный пулемет гыч лўйылтмаш рубежыш лектын. Ындыжым пулемёт воктек танкын командирже шкеак шогалын. «Кечалтше вертолётым» пудештараш Дмитрийын улыжат 15 патрон лийын. Вертолётым йўлалташ 24 ияш лейтенантлан кок кўчык очередь ситен. Тудо тидым моткоч мастарын да писын ыштен. Варажым танк скоростьшым писемден. Пытартыш лўйылтмаш Фёдор Петелинлан логалын. Тў‰алтыш кок очередь йо‰ылыш лийын гын, кумшыжо палемдыме верыш логалын.

«Россия-3» танклан кумшо йырым эрташ да финишысе линиеш шогалаш гына кодын… Тў‰алтыште йошкар танкет сайын каен, а вара колеян, минно-взрывной верыште корнын лопкытышкыжо логалын огыл, кум ме‰гым йєрыктен. Финиш деч улыжат кок-кум ошкыл деч ончыч (штрафной жап) двигательым глушитлаш логалын… Икмыняр секунд гыч А.Олеоленко адакат танкым заводитлен, умбаке чымыктен. Тыгай годым кажне секундшо экипажлан «шєртньє» гай шерге лийын. Теве лач тыгай вучыдымо чараклам се‰ен лектын, ончышо-влакым тургыжланаш таратен, финишыш икымше пурымо моткоч тале та‰асымаш-се‰ымаш шукыштлан куаным конден. У рекордым шынден кертын огытыл гынат, ик йо‰ылыш, штрафной йыр да «пит-стоп» дене Российын сборныйын кумшо экипажше 2017 ийыште шындыме рекордым (19 минутат 12 секунд) эртен.

Тыге Иванов, Петелин, Олеоленко мучаш марте кучедалын, неле ситуацийым эрташ, йєным муын, сборныйлан се‰ымашым пєлекленыт.

«Танковый биатлон-2019» та‰асымаште Российын кок дивизионжат ончыко лектын.

Палаш о‰ай:  тўнямбал кўкшытан танковый биатлон та‰асымаште «Россия-3» экипажын командирже Дмитрий Иванов Морко районысо Купсола ялеш шочын-кушкын. Дмитрий тў‰алтыш класслам Купсола школышто тунемын, а вара Коркатово школыш куснен, физик-математик классыште шинчымашым келгемден.

– Варажым корныжо Оза‰ оласе танковый училищыште тунемын. ™маште тудым тунем лектын, направлений почеш Абхазийыш служитлаш каен. Такшым курсант улмыж годымак тўрлє та‰асымашлаште, тыгак ече дене, танковый биатлоныштат вийжым терген. Сборыштат лийын. Кок ий ончыч Российын чемпионатыштыже кумшо лийыныт ыле, а теве тений икмыняр отборым эртеныт, – ойла ачаже Геннадий Иванов.  

Е.ЭШКИНИНА

Опубликовать в Одноклассники

Добавить комментарий