УВЕР ЙОГЫН

Марий Турек районышто янлык-влакын орымаш черышт ылыжын

Марий Турек посёлкын Нагорный уремыштыже верланыше ик сурт-печыште янлык-влакын орымаш черышт ылыжын. Тидлан кӧра Марий Эл Республикым вуйлатыже А.Евстифеевын 11 июльышто лукмо кӱштымашыж почеш райрӱдыштӧ да тудын йыр верланыше кундемлаште карантиным увертарыме. 

Янлык-влакын орымаш черышт шотышто карантиным тыгак тиде районысак Марий Купто ялыште увертарыме. Тыште суртвольык черланыме случайым регистрироватлыме.

Карантин жапыште палемдыме кундемлаште вольыкым налаш да ужалаш, ир янлыкым кучаш чаралтеш. Тыгак тышечын пий ден пырысым наҥгаяш огеш лий.

Палемден кодыман: Марий Эл Республикым вуйлатыше А.Евстифеевын кӱштымашыж почеш 9 июльышто Курыкмарий районысо Алатайкино кундемыште янлык-влакын орымаш черышт шотышто карантиным кораҥдыме.

М.ИВАНОВА.

Опубликовать в Одноклассники

Добавить комментарий