Марий Элыште общеобразовательный организацийласе 1 класслаш приёмный кампаний умбакыже шуйна.
Тудын икымше йыжыҥже 3 июнь марте шуйна. Кызытеш республикысе школлаш 5 тӱжем утла йодмаш пурен. Ача-ава-влак кокла гыч 90 процентше тидым «Госуслуги» сайт гоч ыштен.
Эн шуко йодмашым – кум тӱжем утла – Йошкар-Оласе школлаш пуымо.
Приёмный кампаний шотышто йодыш уло – рӱдоласе образований виктемын сайтыштыже вераҥдыме телефон номер дене йыҥгыртыза.
Фотом Марий Эл Образований да накуо министерствын соцкылысе лаштыкше гыч налме
