7 сентябрьыште Юрий Зайцев Регионым виктарыме рӱдерыште «Вияш линийым» эртарен.
Марий Эл вуйлатышын пашажым жаплан шуктышо республикыште илыше-влакын соцкылла гыч пурышо йодышыштлан вияш эфирыште вашештен. Тиде 1 шагат да 20 минут шуйнен. Тудо палемден: могай йодышлалан эфир жапыште вашештен шуктен огыл, кугыжаныш кучем органлаште нунын дене пашам ыштат да еҥ-влаклан вашмутым пуат.
Шуко йодыш социальный вияҥмаш дене кылдалтын. Еҥ-шамычым корным, кудывечылам олмыктымо, медицине да туныктымо учрежденийлаште пашаеҥ-влак ситыдыме, йырым-йырысе пӱртӱс, вӱд, газым пуртымо йодыш-влак тургыжландареныт.
Юрий Зайцев палемден: соцкыл тудлан еҥ-шамыч деч уверым налме кӱлешан инструмент.
Марий Эл вуйлатышын пашажым жаплан шуктышо вияш эфир мучаште пӱтынь республикым кудалышт савырнымыж дене палдарен да эн чот верысе пӱртӱс келшыме нерген ойлен, Марий Элын ойыртемалтше моторлыкшым палемден, тыште ласка, поро кумылан еҥ-влак илат манын каласен.
«Вияш линий» деч вара Юрий Зайцев Регионым виктарыме рӱдерын пашаж дене палыме лийын.
Марий Эл Республикым вуйлатышын организаций да аналитике виктемжын уверже негызеш Л.Камалетдинова ямдылен.
