СВО-н участникше-влак профессионал мастарлыкым тергат.
Марий Элыште «Профессийыште эн сай» Всероссийский конкурсын регионысо йыжыҥыштыже эртаралтше «Кокымшо старт» специальный номинацийыштыже участвоватлаш йодмашым налмым чарненыт.
Проект СВО-н ветеранже-влаклан тыныс илышыш пӧртылаш да квалификацийым нӧлташ полшымашке виктаралтын.
Конкурсыш 7 йодмаш пурен:
Йошкар-Ола гыч – 2;
Советский район гыч – 2;
Волжск гыч – 1;
Параньга район гыч – 1;
Курыкмарий район гыч – 1.
Регионысо йыжыҥын финалже 14 майыште Республикысе калыклан паша верым ситарыме рӱдерыште эрта.
Конкурс заданийын икымше модульыштыжо участник-влак «Кузе мый пашам муынам да тудлан тунемынам. Мыйын опытем» теме дене профессийыш пӧртылмӧ нерген регионысо эксперт комиссийлан, СВО-н ветеранже-шамыч ден нунын ешыштлан каласкалат.
Вара конкурсант-шамыч пашам аралыме да пашаеҥын праваж шотышто тестированийым эртат.
Кумшо модульышто усталыкыштым почын ончыктат: «Эн сай паша кечем гыч фотографий-шамыч» теме дене видеоролик але электрон презентаций шотан кейс-заданийым шуктат.
«Тиде конкурс боевой опыт ден граждан карьерым ушышо пашма гай лиеш», – палемден Марий Элын паша да социальный аралтыш министржын алмаштышыже Александр Лазарев.
Маргарита ИВАНОВА.
Марий Элын Паша да социальный аралтыш министерствыжын пресс-службыжын фотожо.
