Пайрем дене!
Пашалан йӱлышӧ чонан
Марий Турек районышто агрофирмынан ӱдымӧ кумдыкшат ик эн кугу, вольыкшат ик эн шуко. Тӱкан шолдыра вольыкым Сысоево ден Мурза фермылаште ашнена. Да южо озанлыкысе семын – шӧрлан веле огыл, шылланат. Ӧрдыктарымаште шогыктымо кажне вуй вольык суткаште кокла шот дене 693 граммлан нелемеш гын, лӱштымӧ кажне ушкал деч тылзыште кокла шот дене 10322 килограмм шӧрым налына.
Вольык ончышо пӧръеҥ ден ӱдырамаш-влак ик семынак вий пуэн ыштат. Лӱштышӧ-влак коклаште икымше верым Сергей Васильевич Шириков налеш гын, кокымшым – Альбина Аркадьевна Софронова ден Галина Ивановна Мухомедзянова. Но эрла – Ӱдырамаш кече, сандене пӧръеҥна-влак нуным – поро да пашаче ӱдырамашна-влакым – пайрем дене саламлат.
Пагалыме ӱдырамаш-влак, ме тендам тиде сӧрал 8 Март кечын уло чон дене саламлена да илышыште сай деч сайым гына тыланена. Пашалан тыгаяк йӱлышӧ чонан, илышыште эреак кумылым нӧлтен шогышо лийза!
«Акпарс» агрофирме» ООО.
Снимкыште: Мурза фермын пашаеҥже-влак.
Озанлык деч налме фото.
Мужыр лаштыкым Юрий ИСАКОВ ямдылен.
