Турист сезон тӱҥалме дене Марий Элын чеклаштыже стеле-влакым уэмдат.
Вет мемнан кундемыш автомобиль дене толшо турист-влак лач нуным эн ончыч ужыт. Сандене тӱжвал сынышт кумылым савырыше лийшаш. Ончыч стеле-влакым пурак, тошто чия деч эрыктат, вара у чиям пыштат. «Марийскавтодор» АО-н специалистше-влакын умылтарымышт почеш, кундемын символжын ончычсо сынжым арален коден, тудым уэмдат. Чияже ойыртемалтше лийшаш да кечыште сынжым йомдарышаш огыл.
Снимкыште: стелым уэмдыме годым.
«Марийскавтодор» АО-н воткыл лаштыкше гыч налме фото.
