Марий Элыште шыже кумалтыш-влакым эртарат. Тӱня кумалтыш тений Кужэҥер районысо Ош Куэр отышто 15 октябрьыште лиеш. Тидын нерген республикысе Марий юмыйӱла ушемын кагаз пашжым виктарыше Галина Ласточкина увертарен. Лудшына-шамычым кумалтышым эртарыме уэмдыме радам дене палдарена.
21 сентябрь – Советский район Кугэҥер ял отышто;
24 сентябрь – Кужэҥер район Салтакъял (Кенча кӱсото), Йывансола, Советский район Пивактын почиҥга, У Торъял район Кузнеч ялласе отылаште;
1 октябрь – Кужэҥер район Чашкаял, Советский район Кукмарий, Параньга район Тошкемнур, Марий Турек район Кӱшыл Турек, Йошкар-Оласе Тумер отылаште ;
8 октябрь – Кужэҥер район Тумньымучаш, Советский район Тапшер, У Торъял район Нурӱмбал отылаште; Марий Турек районышто Тӱрек Суртанлан кумалтыш лиеш.
15 октябрь – Шернур район Торешкӱвар Мланде Ава кӱсотышто мер кумалтыш; Шернур район Чисола, Параньга район Олор, Марий Турек район Лоп ялласе отылаште;
22 октябрь – Советский район Кугунур, Шуймучаш, Кундыштӱр, У Торъял район Кемсола, Шернур район Марисола вел Купсола, Марий Турек район Ӱлыл Мосара ялласе отылаште;
29 октябрь – Марий Турек район Ӱлыл Турек ял отышто;
5 ноябрь – У Торъял район Кугу Танаксола ялысе Шван отышто;
19 ноябрь – Марий Турек район Сардаял отышто;
26 ноябрь – Марий Турек район Арып-Мурза ял отышто.
С.Носова
Авторын фотожо
