«Марий книга издательстве» савыктыш пӧрт «Мустафа-Кырла – улына пырля» книгам луктын. Авторжо да ямдылыше – Юрий Соловьев.
У книга поэт да киноактёр Йыван Кырлан (1909–1943) шочмыжлан 115 ий теммылан пӧлеклалтын. Тушко тылеч ончыч савыкталтше изданийлашке пурыдымо очерк да шарнымаш-влак, Й.Кырлан 100 ияш юбилейже деч вара тудын лӱмжӧ дене кылдалтше событийла нерген статья-шамыч улыт. Поэтын почеламутшо-влакым – ту жапысе стилистике дене возымо марла да рушлашке кусарымым – лудаш лиеш. Тидын нерген «МариКраевед» издательстве пӧрт увертара.
Тыгак уэмдыме хронологийым да библиографийым вераҥдыме. Нуным Галина Байкова чумырен.
Л.СЕМЕНОВА
Е.ТЕТЕРИНАН фотожо
