Марий Эл гыч просветитель-влак «Знание» Россий обществын Знание.Премия наградыжым налаш проектыш ушненыт.
Элнан тӱҥ просветитель наградыжлан йодмашым Россий гыч чылаже 10 тӱжем утла еҥ пуэн, тышеч мемнан республик гыч – 51. Тыге йодмашым пуымо шотышто Юл кундем федерал округышто 13-шо верыште улына.
«Туныктымаш да наставничестве» сферыште просвещений пашаш надырым пыштымылан» номинацийыште Марий Эл гыч участник – Лея Леманн. Тудо – медиа сферыште регионысо тунемме программын авторжо да организаторжо. 2024 ийыште округ кӱкшытан «Креатив, контент, искусственный интеллект» молодёжь форумым эртарен. Тушко Юл кундем федерал округысо тӱрлӧ регион гыч 75 самырык специалист ушнен. Чыла тидын деч посна Лея – студент-влакым веле огыл, тыгак медиаотрасльын специалистше-влакым авалтыше тунемме мероприятий, форум да медиашкол-влакын спикерже, наставникше да организаторжо. Ик эн тӱҥ проектше-влаклан «RT-Регион», «Марий Элын медиамастерскойжо» форумым, студен лагерьлаште тунемме смене-влакым да кучемысе органын преставительже-влаклан семинар-шамычым шотлыман. Тудын программылашкыже нейросеть дене пайдаланыме, у медиа дене пашам ыштыме, контент-стратегийым вияҥдыме да цифр грамотность пурат.
«Отечествым аралыше-влакын подвигышт нерген шарнымашым аралымашке надырым пыштымылан» номинацийыште Марий Эл гыч «Сар нерген муро-влак» проектым колтат. Тудын тӱҥ шонымашыже – Кугу Отечественный сар жапысе муро да кызытсе композиций гоч историй дене кылдалтше шарнымашым аралаш виктаралтын. Проект кышкарыште 2024 ий гыч лу утла концертым эртарыме. Поснак кугу тӱткыш йоча-влаклан да молодёжьлан ойыралтеш, нунылан мурын шочмыжо нерген концерт-мутланымаш-шамыч эртаралтыт. Посна направлений – СВО-н участникше да тудын родо-тукымжо ончылно выступлений-влак. Поро кумыл концертлаште погымо средства «За Марий Эл» фондлан пуалтеш. 2021 ий гыч проектым онлайн йӧн дене 19 тӱжем гана ончымо.
«Знание» Россий обществын генеральный директоржын алмаштышыже Кирилл Хвильын мутшо почеш номинаций-влак илышын чыла сфержым авалтат.
Йодмашым сентябрь марте налыт.
Г.Кожевникова
Фотом «Знание» Россий обществын пресс-службыж гыч налме
