7 апрельыште тӱнямбалне Тазалык кече кумдан палемдалтын. 2023 ийыште тудын официальный темыже «Тазалык – чылалан» лийын. Науко шымлымаш-влакым иктешлыме почеш, айдемын 70 процент тазалыкше кочкыш да илыш-йӱла дене кылдалтын, 30 процентше – ген, шочынак черле улмыжо але шочмыж деч вара черланымыже, экологий дене.
Россий Федерацийын президентше Владимир Путин ден элнан правительствыже россиян-шамычын тазалыкыштым да сай илышыштым ик эн ончыл верыш шындат. Россий – пайдале продуктым кочкаш йӧным ыштыше икмыняр эл кокла гыч иктыже. Кугыжанышна калыклан пайдале продуктым кочмо правилым шукташ кӱлмым умылтарыме кугу пашам шукта. Тиде Роспотребнадзорын «Демографий» национальный проектын «Таза кочкыш» («Здоровое питание») проектшым 2019 ий гыч илышыш пуртымо шотышто ик эн кӱлешан цельже.
«Таче национальный производительлан полшымо, кочкыш продуктын качествыжым саемдыме йодыш ик эн кӱлешанлан шотлалтеш. Тидланже Россий Федерацийыште 2030 ий марте кочкыш продукцийын качествыжым саемдыме стратегийым пеҥгыдемдыме да илышыш пуртымо. Ме кочкыш продукцийын качествыжым да пайдале кочкышын принципшым закон почеш рашемдаш йӧным ыштенна. Продуктын качествыже кум йодмашлан келшен толшаш: икымше – лӱдыкшыдымылык шотышто, кокымшо – тичмаш рационлан ситыме шотышто да кумшо – потребительский ойыртемлан келшен толмо шотышто», – палемда Роспотребнадзорын вуйлатышыже, Российын тӱҥ кугыжаныш санитарный врачше Анна Попова.
Роспотребнадзор россиян-шамычым икмыняр кӱкшытыштӧ арала, ты шотыштак кочкыш продуктын качествыж ден лӱдыкшыдымылыкшым контрольышто куча. Тидланже калыкын кочмо ойыртемжым эскерыме системым илышыш пуртен. Тудо россиян-шамычын тӱрлӧ регионышто лачшымак мом кочмыштым аклаш, рашемдымым лончылаш да иктешлаш йӧным ышта.
Тыгак йоча ден подростко-влакын мом кочмыштым эскерыме мониторингым ыштыме. Ӱмаште тудо элнан 65 регионжым авалтен.
«Таза кочкыш» проектым илышыш пуртымо кышкарыште калыкым: кугыеҥ-влакымат, самырык-шамычымат – сотемдарыме кугу паша шукталтеш.
Проектын пайдалыкшым 2022 ийыште «Ромир» холдингын эртарыме зависитлалтдыме социологический шымлымашыжат пеҥгыдемден: 79 процент еҥ – таза кочкыш верч!
«Таза кочкыш» проектым партнёр-влакат илышыш пуртат:
- 5-15 апрельыште «Таза лий!» акцийын кышкарыштыже элнан чыла регионыштыжо «Тазалык диктант» эрта;
- X5 Group компанийын да «Таза кочкыш» проектын экспертше-шамыч йоча ден молодёжьлан тичмаш да балансироватлыме рационым ыштыме шотышто шинчымашым пойдарыме интерактивный программе-влакым ямдыленыт;
- «Черкизово» группо «Таза кочкыш» проект дене пырля регионлаште школ кочмывер-влакым олмыктымо акцийым умбакыже шуя;
- «Орлёнок» всероссийский йоча лагерьыште «Российын национальный кухньыжо» фестиваль-конкурс лиеш.
М.ИВАНОВА
Фотом интернет гыч налме
