Элнан рӱдолаштыже Эндокринолог-влакын национальный конгрессышт эртен.
Форумыш Российын тӱрлӧ регионжо да йот элла гыч кум тӱжем утла вӱдышӧ шанчызе ятыр миллион дене еҥын илышыжым куштылемдаш полшышо у медицине технологий-шамыч нерген мутланаш чумырген.
Конгрессын участникше-влакым саламлыме телеграммыштыже Российын президентше Владимир Путин ончыл эндокринологический практике-шамычым лишыл жапыште чумыр элысе больнице ден поликлиникылаште кучылташ тӱҥалмылан ӱшанымыжым ончыктен.
Национальный конгрессыште Йошкар-Ола гыч Район-влак кокласе эндокринологический рӱдерын эндокринологшо-шамыч участвоватленыт. Йошкар-Оласе 2-шо №-ан поликлиникын Эндокринологический рӱдержым вуйлатыше Елена Фролова (снимкыште) «Диабет школын пациентше-влакым туныктымаште медсестран кӱлешлыкше» докладым ыштен.
Постер сессийыште марий эндокринолог-влак щитовидный тун пышкемыштыже пункционный биопсийым кучылтмо чапле опытым ончыктеныт да тидын дене щитовидный тушто ракын вияҥмыжым тӱҥалтыш йыжыҥыштак рашемдаш лиймым пеҥгыдемденыт.
М.ИВАНОВА
Марий Эл Тазалык аралтыш министерствын фотожо
