1 июньышто лекше 22-шо номеран «Литературная газетын» спецпроектшын «Российын шуко йылман лирыже» лаштыкыштыже марий прозаик Юрий Соловьевын «Был у нас друг…» ойлымашыже савыкталтын.
Тудым руш йылмышке Анатолий Спиридонов кусарен. Автор кум йолташын: Миклайын, Олёшын да Эчанын – кум тӱрлӧ пӱрымашыштым Николай Фёдорович ден Алексей Васильевын вашлиймашышт гоч сӱретлен ончыктен.
Ончылмутышто лудшо-влакым сылнымутчын илыш-корныж дене кӱчыкын палемдыме. Мучаште газет редакций Юрий Ильичым юбилейже дене саламлен да пеҥгыде тазалыкым, усталык пашаште да илышыште пиалым тыланыме мутым сералтен. Ойлымашым лудаш кумылда лектын гын, «Литературная газетын» сайтыштыже муын кертыда.
Л.СЕМЕНОВА
