Авиалесоохрана» ФБУ-н Юл кундемысе пӧлкажын авиапожарныйже-влак Оршанкысе кыдалаш школын тунемшыже-влак дене вашлиймашым эртареныт да шкеныштын куштылго огыл пашашт дене палдареныт.
Профориентационный паша дене кылдалтше вашлиймашым нуно пытартыш жапыште ышташ тӱҥалыныт. Авиапӧлкан десантно-пожарный группыжын иструкторжо Артем Петров ден десантник-пожарный Владимир Ялпаев тунемше-влакын кумылыштым налын кертыныт. Вет нуно пырля эше пашаште кучылтмо снаряженийымат намиеныт, службышт дене палдарыше фильмымат ончыктеныт, илыш гыч шуко примерым конденыт да чрезвычайный ситуаций годым шкем кузе кучаш туныктеныт.
С.НОСОВА
