10-18 майыште Марий кугыжаныш университетыште латынь йылмым палыше студент-влак коклаште олимпиаде лийын. Тушко медицине ден йот йылме-влак факультетла гыч 250 утла тунемше ушнен, кум номинацийыште: латынь грамматике, усталык да «Гаудеамус» муро конкурслаште – мастарлыкшым терген.
Усталык номинаций кок ужашлан пайлалтын. Иктыже Менделеевын периодике таблицыжлан 150 ий теммылан пєлеклалтын. Тушто медицине направлений дене тунемше-влак таҥасеныт. Вес ужашыже гуманитарный направленийлан ойыралтын, тудын темыже Российыште увертарыме театр идалык дене кылдалтын. Кумшо номинаций англичан группылаште шинчымашым погышо студент-влакым чумырен.
24 майыште конкурс-влакым иктешлыме, сеҥыше-влак грамот да пӧлек дене палемдалтыныт. Мероприятийым тўнямбалсе «Гаудеамус» гимным мурымо конкурс мучашлен.
Латынь йылме тӱрлӧ эл гыч тунемаш толшо студент-влакым иктыш чумырен.
Ф.Я. Хабибуллина, МарГУ-н доцентше,
И.Г. Иванова, МарГУ-н доцентше.