УВЕР ЙОГЫН

Илыме верыш налаш але чоҥаш — шийвундо

Марий Элын бюджетыштыже республикыште илыше самырык еш-влаклан выплатым тӱлаш оксам шеледыме.

Регионын правительствыжын председательжын пашажым жаплан шуктышо Илга Дравниеце 2019 ийлан шийвундым ойырымо нерген пунчалым  подписатлен. Окса самырык еш-влаклан илыме верым налаш але чоҥаш социальный выплатым тӱлаш колталтеш. Тиде «Обеспечение доступным и комфортным жильем и коммунальными услугами граждан РФ» Российысе кугыжаныш программе дене келшышын ышталтеш. Марий Эл  правительствын пунчалже дене «Социальное обеспечение населения» статья дене келшышын, тенийлан республикын бюджетшын шийвундыжо 95,7 млн. теҥгелан ешаралтын. Оксам шеледыме годым посна кундемыште мыняр самырык еш илымым шотыш налыт.

Тиде пунчалым илышыш пуртымым республик правительстве председательын икымше алмаштышыжын пашажым жаплан шуктышо Александр Сальниковлан контрольышто кучаш кӱштымӧ.

Л.Камалетдинова.

Опубликовать в Одноклассники

Добавить комментарий