Российысе регионлаште илыше марий йоча-шамычлан «У ий куан» регион-влак кокласе марий У ий пайрем тений онлайн-форматыште эрташ тӱҥалеш.
Тудым Российысе марий-влакын федеральный калыкле-тӱвыра автономийышт, республикысе Марий тӱвыра рудер Марий Элын Тӱвыра, савыктыш да калык паша шотышто министерствыже да Калык-влакын пашашт шотышто федеральный агентствыжын полшымыж дене эртарат.
Но Йӱштӧ Кугыза ден Лумӱдыр деч шере пӧлекым пайремыш ушымо икшыве-влак кидыш садак налыт. А тыгай пӧлекше марий йылмым тунеммаште сеҥымашке шушо, тӱвыра, шанче, творческий, социальный направлений дене шкем виян шуарыше талантан тунемше-шамычлан логалеш. Кажне муниципалитет пӧлек дене палемдаш 8 икшывым ончылгоч ойырышаш.
Мероприятий кышкарыште ныл номинаций дене конкурс эртышаш: «У ий дене!» открыткым, «У ий чием» костюмым, «У ий модыш» модышым ышташ, «Йӱштӧ Кугызалан серышым» возаш лиеш.
Конкурсыш 6 гыч 15 ияш марте йоча-влак ушнен кертыт. Пашам 18 декабрь марте Марий тӱвыра рӱдерын mari-centr_konkurs@mail электрон почтышкыжо колтен шуктыман. Ойыртемалтше-влакым 25 декабрьыште дистанционно Йӱштӧ кугыза, Лумӱдыр да йомак персонаж-влак палемдаш да саламлаш тӱҥалыт.
С.НОСОВА
