Икшывылан – паша верым
Советский районысо Калыклан паша верым ситарыме рӱдерыште ийготыш шудымо ӱдыр-рвезе-влаклан вакансий ярмиҥга эртен.
Таче 14-18 ияш ӱдыр-рвезе-влаклан паша верым ситарыме йодыш рӱдерыште ик эн тӱҥлан шотлалтеш, вет тунемме ий мучашке лишемеш. Адакше ийготыш шудымо-шамычым пашашке налше организаций ден работодатель-влак ойпидышыште закон почеш чылажымат ончыктышаш улыт, поснак паша жапым. Программе почеш, работодатель подросткылан пашадарым тӱла, калыклан паша верым ситрыме службо материальный полышым ойыра.
Вакансий ярмиҥгаште Марий Элын Аграрно-стрительный техникумжо ийготыш шудымо-влаклан 11 вакансийым темлен. Тыге, нужнан илыше еш гыч 9 йоча, 2 тулык икшыве кеҥеж жаплан паша веран лийыныт.
М.ИВАНОВА.
