«Изи патыр» йочасадыште – Келшымаш кече

Йошкар-Оласе 53-шо №-ан «Изи патыр» йочасадыште Келшымаш кече эртен.

Мероприятий кышкарыште Чебоксар оласе 83-шо №-ан йочасадыш коштшо йоча ден воспитатель-влак дене вашлиймаш лийын. Пошкудо регион гыч толшо уна-шамыч чуваш калыкын тӱвыраже, вургемже да модышыжо-влак нерген каласкаленыт веле огыл, ончыктеныт да модыктеныт.

Вашлиймаш годым поснак кугу тӱткыш туныктышо-влакын сообществыштлан ойыралтын. Воспитатель ден специалист-шамычлан «йыргешке ӱстелым» эртарыме. Тушто Чуваш кундемын педагогшо-шамыч калыкыштын илыш-йӱлашт, эртыме корнышт, тӱвыра ойыртемышт дене кумдан палдареныт.

Г.Кожевникова

Фотом «Изи патыр» йочасадын соцкылысе лаштыкше гыч налме