КУЛЬТУР ДА ИСКУССТВО

У семӱзгар — кугу пӧлек

«Культур» национальный проект дене келшышын, Параньга посёлкысо сымыктыш школыш у семӱзгар-влакым конденыт.

Школлан ныл баяным («Тула»), кум пианином («Kawai»), кок ноутбукым, интерактивный доскам, ното литературым налыныт.

– Тиде сымыктыш школышто тунемше-влак моткоч талантан улыт, тӱрлӧ конкурс гыч эреак сеҥымаш дене пӧртылыт, сандене у семӱзгар – нунылан кугу пӧлек, — палемден тушко миен коштмыж годым республикын тӱвыра, савыктыш да калык пашаш шотышто министрже Константин Иванов.

Марий Элысе сымыктыш школ-влак тений у семӱзгар, оргтехнике да моло дене пойдаралтыт. Тидлан чылаже 17,3 миллион теҥге ойыралтын. Тиддеч посна нацпроект полшымо дене регионысо ныл культур учреждений олмыкталтеш, увертара Культур министерствын пресс-службыжо.

 

А.БАЙКОВА

Фотом республикын тӱвыра, савыктыш да

калык пашаш шотышто министерствын сайтше гыч налме

Опубликовать в Одноклассники

Добавить комментарий