УВЕР ЙОГЫН

Марий Элыште шуаралтын

20 октябрьыште Москва оласе К.Г.Разумовский лӱмеш технологий да управлений кугыжаныш университетыште шашке дене фланкироватлыме шотышто таҥасымаш эртен.
Тиде таҥасымаште «Покровский хутор» хуторский казак обществын (Волжский район, Купсола села) кадетше, Москва оласе К.Г.Разумовский лӱмеш технологий да управлений кугыжаныш университетын 1-ше курсыштыжо тунемше Мария Ускова (снимкыште пурлаште шога) 1-ше верым сеҥен налын.
Мариям спортын тиде видшылан Российын да Зарубежьен казак-воиныштын ушемышкышт пурышо «Покровский хутор» ХКО-н походный атаманже, «Казарла» шашке дене руымо федерацийын Марий Элысе региональный пӧлкажын председательже Александр Глухов кумылаҥден. Шочмо кундемыште погымо мастарлыкшым ӱдыр Российын рӱдолашыжат вияҥда да туныктышыжым теве тыгай результат дене куандара.

М.ИВАНОВА

Опубликовать в Одноклассники

Добавить комментарий