Россий Кугыжаныш Думын образований да шанче паша шотышто комитет председательжын алмаштышыже Б.Чернышов элна мучко школ формылан единый акым ышташ темлен.
Депутат тыгак тыгай вургем (сай качестван) Российысе фабрикылаште гына ургымо лийшаш манын ойлен. Тудын мутшо почеш, икгай чиеман ӱдыр-рвезевлак коклаште «мыйын чаплырак» манме ӱчашымаш, шкем моло деч кӱшкӧ шындымаш, икманаш, социальный могырым шеледымаш огеш лий.
Ак шотышто депутат палемден: тӱҥалтыш класслаш коштшылан школ формо 3000 теҥге лийшаш, а кугурак ийготанлан – 4000 теҥге.
Г.Кожевникова
