Т.Евсеев лӱмеш калыкле тоштер фотограф-шамычлан «Экологий – Лӱдыкшыдымылык – Илыш» V региональный фестиваль-конкурсым увертарен.
Тудо 22 март гыч 14 май марте шуйна. Ик автор деч кумыт деч шуко огыл фотографийым налыт. Вич номинацийыште нуным аклаш тӱҥалыт:
«Экоончалтыш» (Экологий ден кылдалтше тургыжландарыше йодыш-влак);
«Фотопейзаж» (Ландшафтым ончыктышо фото);
«Фотосонар» (Флоро ден фауно);
«Тӱнян чияже-влак» (Путешествий);
«Самырык фотонатуралист» (16 ияш марте йоча-влак).
Конкурслык пашам 28 апрель марте колтен шуктыман. Сеҥыше-влакым 14 майыште палемдат. Кажне номинацийыште сеҥыше-влакын вич пашам финалыш колтат. А тудыжо Ульяновск областьысе И.А.Гончаров лӱмеш краеведений тоштерыште эртышаш.
С.Носова
