МАРИЙ ЭЛ : ТАЧЕ

Компьютер дене кучедалме

Киберспорт

Компьютер дене кучедалме

«Мариэнергошто» самырык специалист-влак коклаште киберспорт дене турнирыште сеҥышым рашемдыме.

Турнирым Самырык-влак совет ден профсоюз организаций Йошкар-Оласе ик компьютер клубышто эртареныт, тушко индеш еҥ ушнен.

35 ияш марте самырык специалист-влак «КС2» дисциплине дене таҥасеныт. Компьютер дене кучедалмашын итогшо почеш сеҥыше-влакым рашемдыме. Сай результатым ончыктышо вич модшо «Мариэнерго» филиалын сборный командыже радамыш пурен. Нуно «Рӱдӧ Россеть» ден «Рӱдӧ да Юл кундем Россетьын» самырык пашаеҥышт коклаште киберспорт дене Москвасе турнирыш каят.

Киберспортлан кумылаҥмым да тыгай турнирым эртарыме опытым шотыш налын, «Мариэнерго» филиалыште самырык специалист-влакын чолга илышлан да спортлан кумылан улмыштлан эреак мелын вашештат.

Юрий ИСАКОВ.

Снимкыште: компьютер дене спорт таҥасымаш.

Фотом «Мариэнергон» пресс-службыж деч налме.

Добавить комментарий