14 майыште Волжский районышто Юмынаван «Седмиезерная» Одигитрия юмоҥаж дене крестный ход тӱҥалын.
Тудым православный верам кучышо-влак кажне ийын корныш луктыт. Ты гана ырес дене кайымаш Волжск оласе «Чыла ойгырышо-влакын куанышт» юмоҥан черкыж гыч литургий дене тӱҥалын. Вара корно Эмеково селаш шуйнен. А тушеч Звенигово ден Морко районласе черкылаш. Крестный ход 2 июньышто Морко районысо Изи Кугунурышто литургий дене мучашлалтеш да юмоҥам угыч Азъялысе святитель Гурий Казанскийын храмышкыже пӧртылтат.
С.Носова
