УВЕР ЙОГЫН

Кован кечыже

Шокшо пӧрт, пушкыдо когыльын тутло пушыжо, ош шовыч…  26 майыште Удмуртийыште, паледа, могай пайрем? Кован кечыже. Тудо календарьыш Евровиденийыште мастарлыкыштым ончыктышо «Бурановысо кова-влаклан» кӧра пурталтын.

Надежда Саварскаян вуйлатымыж почеш, «Удмуртий Республикын Известийже» газет редакцийын калык йӱклымашым эртарымышт йӱлаш савырнен. Тыге кажне ийын кова-влакым тӱрлӧ номинаций дене палемдат. А нуныжо тыгай улыт: «Эн самырык кова», «Эн «поян» кова», «Эн спортивный кова», «Йӱлам аралыше кова», «Эн деловой кова»….

Тенийысе конкурсышто чылаже 200 еҥ шкенжым ончыктен. Сеҥыше-влакым саламлыме пайремыш нуно йоча, уныка да кугезе уна-влак дене пырля миеныт. Санденак дыр шошо кечыже эшеат сылне да поро шӱлышан лийын!

Тидын нерген Удмурт Кугыжаныш Советын депутатше Т.Ишматова палдара.   

Опубликовать в Одноклассники

Добавить комментарий