УВЕР ЙОГЫН

Йочамат ончаш, профессийымат налаш

«Демографий» национальный проектым илышыш пуртымо дене Марий Элыште «Ӱдырамаш-влаклан пашам муаш полшаш – кум ияш марте йоча-шамычлан школ деч ончычсо шинчымашым пуаш йӧным ышташ» регионысо проект тыгай направлений-влак дене пашам ышташ тӱҥалеш:

  • Марий Элын «2013-2025 ийлаште калыклан паша верым муаш полшаш» кугыжаныш программыж дене келшышын, йочам ончышо ӱдырамаш-шамычлан пашам муаш, профессиональный шинчымашым налаш полшаш;
  • Йочасадыште да школ деч ончычсо шинчымашым пуымо, икшывым эскерыме да ончымо пашам шуктышо амалкалче-шамычын организацийлаштышт кум ияш марте икшыве-влаклан ешартыш верым ышташ полшаш.

Тений гычак «Кум ияш марте йочам ончымо шотышто отпускышто улшо ӱдырамаш-влаклан профессиональный шинчымашым да ешартыш профессиональный шинчымашым налаш полшаш» мероприятий вийым налеш.

2019 ийыште 100 ӱдырамашым поварлан, кадр шотышто инспекторлан, йочасад воспитательлан, парикмахерлан, закройщиклан, персонал шотышто менеджерлан, бухгалтерлан, маникюршылан, ургызылан, «вашкеполыш» медсестралан республикысе бюджетын средстваж кӱшеш туныкташ палемдыме.

2020-2024 ийлаште тиде мероприятийлан 58,22 млн.теҥгем кучылташ палемдыме, тышечын 55,31 млн. теҥгежым федеральный бюджет гыч ойырат, кодшыжым – республикын бюджетше гыч.

Кум ияш марте йочам ончымо шотышто отпускышто улшо                            ӱдырамаш-шамыч калыклан паша верым ситарыме верысе рӱдерыш кызытак толын да тиде мероприятийыште участвоватлаш кумылан улмышт шотышто йодмашым коден кертыт.  

М.ИВАНОВА.

Опубликовать в Одноклассники

Добавить комментарий