Йошкар-Олаште верланыше Бауман лицейыште 10-шо медиклассыш тунемаш пураш конкурс набор тӱҥалын.
Марий Элын Тӱвыра, савыктыш да калык-влакын пашашт шотышто министерствыже увертарымыж почеш тыгай направлений-влак улыт:
– медиажурналистике;
– рекламе да PR;
– тележурналистике да радиовещаний;
– фотожурналистике;
– социальный сетьлаште коммуникаций;
– публичный выступлений искусство.
Конкурс отбор 2026 ий 22 июньышто 10.00 шагатлан Йошкар-Оласе Кремлёвский уремын 44-ше пӧртыштыжӧ (УЛК корпус) эртаралтеш. Тудо кок этапан: икымшыже – тестирований, кокымшылан эссе ден портфолиом ямдылыман. Пелен школ аттестатын копийже (але отметке-влак выписке), кагазыш печатлыме портфолио ден эссе лийшаш улыт.
Г.Кожевникова
Фотом Марий Элын Тӱвыра, савыктыш да калык-влакын пашашт шотышто министерствыже гыч налме
