Советский районлан – 90 ий
Вӱчӧ да пызлыгичке парча
Кеч-могай леведышыште тӱҥжӧ – вӱчӧ, кеч тудым пыштыме але шогалтыме. Районын чоҥышо да тӱзатыше вийже нерген тудо ойла. А пызлыгичке парча пӱртӱсын пойдарымыжым веле огыл, тудын аралымыжымат ончыкта. Кум ыресше районын ончычсо кум (Чарла, Яраҥ да Уржум) уезд ушнымаште верланымыжым да эртышын, кызытсын, ончыкылыкын кылдалт шогымыштым ушештара. Теве могай шонымашым шыҥдарыме районын гербышкыже.
Да таклан огыл. Ятыр районышто чоҥышо организацийжат кодын огыл, а тыште удан огыл ышта. Сурткайык, пӱртӱс ден озанлык ушемын шулдыран вийже, тысе экономикылан нӧлтмӧ куатым пуэн. Чодырам перерабатыватлыше шагал огыл предприятий, нелылыкым сеҥен, умбакыже вияҥаш йӧным кычалеш. Тысе шагал кундемыште мланде яра кия – озанлык ден фермер-влак мландым курал-ӱдашак тыршат, вольыкым ашнат. Торгайыше кугу сетьла дене таҥасен, кевыт-влак ял калыклан, а ял калык кевыт-влаклан илен лекташышт полшат. Ваш полшен гына кызыт илен лекташ лиеш.
Юрий ИСАКОВ.
Снимкыште: район администраций.
Авторын фотожо.
