Марий Эл вуйлатыше Юрий Зайцев «Российын зависитлыдыме профсоюз-влак федерацийже» пӱтынь российысе ушем председательын алмаштышыже Сергей Некрасов дене вашлийын.
Нуно пырля пашам ыштыме, вашкылым вияҥдыме да Россий Президент Владимир Путинын еҥ-влакын илышыштын качествыжым кугемдыме шотышто кӱштымыжым шуктымо йодышлам каҥашеныт.
«Эн тӱҥжӧ – профсоюз-влак ден исполнительный кучемын пашам пырля ыштымышт. Кундемысе кучемын илышыш шыҥдарыме национальный проектше ден федеральный программе-шамычым профсоюз организаций-влак поддерживатлышаш улыт. Республикыште илыше ик еҥынат праваже шыгыремдалтшаш огыл. Мемнан ончылно кызытсе ситуаций гыч лекме задаче-влакым поснак палемдынем. Тышкак пурат элнан Президентше Владимир Путинын СВО дене кылдалтше кӱштымашыже-влак», – палемден Юрий Зайцев.
2024 ий декабрьыште республикысе кум шӧрынан у ойпидышым ыштыме. Тушко наставничестве, СВО-н участникше-влаклан полшымо да еш поянлыкым пеҥгыдемдыме шотышто мере-влак пурталтыныт.
Сергей Некрасов регионыштына «Марий Эл Республик кумдыкышто паша сферыште социальный партнёрствым вияҥдыме шотышто мере-влак нерген» указын пашам ыштымыжлан тауштен да Марий Эл вуйлатышылан о‰еш пижыктыме «За Содружество» знакым кучыктен.
«Тыглай пашазе еҥлан, республикыште илышылан кучем ден профсоюзын пырля пашам ыштымыштым ужмо пеш кӱлешан», – манын тудо.
Вашлиймаште тыгак СВО гыч шке паша верышкышт пӧртылшӧ-влак дене кылдалтше йодышлам каҥашеныт. Профсоюз ден администрацийын нунылан тыныс илышысе пашалан тунемашышт полшымын кӱлешыжым палемденыт.
Сергей Некрасов СВО тӱҥалме жап гычак профсоюзын ик миллиард теҥгем, фронтышто кӱлеш лийше сатум, средствым, медикаментым погымыж нерген ойлен.
Вара Марий Эл вуйлатыше Юрий Зайцев «Марий Эл Республикын профсоюз организаций-влак объединений» ушемын XXXVIII отчёт да сайлымаш конференцийыштыже лийын. Тушто профсоюзын вич ияш пашажым иктешленыт.
Объединений ушемын председательже Александр Майоров докладыштыже пашам ыштыме тў‰ корнышт да 5 ийысе лектышышт дене палдарен. Тудын мутшо почеш ушем пашадарым кугемдаш, тидын шотыштак бюджет сферыште тыршыше-влакыным, пашам пуышо-влак дене кылым пе‰гыдемдаш да пашае‰-влакын правашт ден социально-экономический интересыштым аралаш шуко вийым пыштен.
«Марий Эл Республикын профсоюз организаций-влак объединений» ушем регионыштына эн кугу чотан мер организаций. 793 первичный профсоюз организацийыште 53 тӱжем еҥ шотлалтеш.
Марий Эл вуйлатышын пресс-службыжын уверже негызеш Евгений Садовин ямдылен.
Денис Речкинын фотожо/ Марий Эл вуйлатышын пресс-службыжо
