Турист-влаклан темлыме «Tvil» сервис «Могай олаште эн весела еҥ-влак илат?» социальный йодыштмашым эртарен. Весела кумылан, мыскарам ышташ йӧратыше-влак эн шукын Челябинскыште илат, 22 % йӱкым погеныт. Кокымшо верыште – Анапе (15%), кумшышто – Евпаторий (11%). Тиде радам умбакыже тыге шуйна: Екатеринбург, Нижний Тагил, Воронеж (11%), Самара (7%), Новосибирск, Йошкар-Ола, Ростов-на-Дону (4%). Ме индешымше верыште улына. Шыргыж-воштылын, кумыл нӧлтын илымына ӧрдыж еҥын шинчашкыже перна гын, тугеже илышна тунарак начар огыл.
Л.СЕМЕНОВА
