16 апрельыште 10 шагатлан Межрегиональный открытый социал институт Образований да шанче министерствын полшымыж дене пырля ача-ава-влаклан «Кызытсе тӱняште йочан верже» конференцийым эртара.
Ӱдыр-рвезе-влакым шкем ӱшанлын кучаш кузе туныктыман? Кугыеҥ да йоча кокласе вашкыл пеҥгыде лийже манын мом ыштыман? Вашлиймаште тиде да моло йодышым психолог дене пырля каҥашаш тӱҥалыт.
МОСИ Прохорова урем 28-ше пӧрт адрес почеш верланен. Кумда уверым mosi.ru сайтыште муаш лиеш. Але 38-08-08 номер дене йыҥгыртен рашемдыман.
О.МОШКИНА
