туныктышо-психолог
Марий Эл гыч туныктышо «Педагог-психолог-2026» всероссийский конкурсын федеральный йыжыҥыштыже призёр лийын.
Тиде Медведево районысо Руэм посёлкышто верланыше «Родничок» йочасадын педагог-психологшо Анна Павлова.
Профессионал мастарлык конкурсын федеральный йыжыҥже тений 28 сентябрь гыч 1 октябрь марте эртен. Икымше кечын участник-влак профессионал технологий картышт дене палдареныт, калык ончылно выступленийым ыштыме мастарлыкыштым ончыктеныт.
Кокымшо кечын «Эксперт собеседований» тергымашым эртеныт, а кумшышто «Профессионал кейс» конкурс лийын.
Г.Кожевникова
Фотом Марий Эл Образований да науко министретрсвын соцкылысе лаштыкше гыч налме.
