11 мартыште Йошкар-Олаште, Мер полшым пуышо штабыште, Андрей Туманов дене вашлиймаш лийын.
Тудым шукынжо опытан сад-пакчазе, «Ваши 6 соток» газетын тӱҥ редакторжо семын палат. Адакшым Андрей Владимирович «Комсомольская правда» газетыште «Сад да пакча» рубрикым почын да лудшо-влакым мланде паша дене кылдалтше ятыр пайдале каҥаш дене палдара. Тыгак нине теме денак радио ден телепередаче-влакым ямдыла да вӱда, икмыняр книган авторжо.
Санденак вашлиймаште утларакше сад-пакчам кучышо-влак денат тудо чыла тидын нергенак мутланен. Тыгак дачный амнистий, улшо тӱрлӧ пӱсӧ йодыш-влак нерген ойлен, элнан президентшын кӱштымыж почеш кугыжаныш велым могай полыш ышталтме нергенат палдарен да ушештарен.
Л.Камалетдинова
М.Скобелевын фотожо
