Марий Элым вуйлатышын обязанностьшым жаплан шуктышо Юрий Зайцев Медицине пашаеҥын кечыж вашеш тазалык аралтыш аланыште ойыртемалтше-влакым кугыжаныш награде-шамыч дене палемдыме нерген указым луктын.
Тазалык аралтыш аланыште пашам ыштымыж дене кугу сеҥымашке шумыжлан Республиканский психиатрический больницын тӱҥ врачше Тагир Нуртдинович Бедертлинов «Марий Эл ончылно заслугылан» орденын медальже дене палемдалтын.
Тазалык аралтыш аланыште заслугылан да шуко ий пашам тыршен ыштымылан «Марий Эл Республикын сулло врачше» чап лӱмым пуымо:
Сар-влакын ветераныштын республиканский клинический госпитальыштын кечывал стационар отделенийжым вуйлатыше, поликлиникын терапевтше Елена Григорьевна Актугановалан;
Юрино районысо больницын участковый терапевтше Светлана Петровна Завьяловалан;
Йошкар-Оласе стоматологический поликлиникын 1-ше №-ан лечебно-хирургический отделенийжым вуйлатыше, врач стоматолог-терапевт Татьяна Анатольевна Рвановалан;
Советский районысо рӱдӧ больницын Роҥго врачебный амбулаторийжын участковый терапевтше Раисия Афанасьевна Кельдыбайлан (снимкыште);
Козьмодемьянск район-влак кокласе больницын Эмӓн врачебный амбулаторийжын тӱшка практике врачше Диана Валериевна Савиновалан;
Морко районысо рӱдӧ больницын педиатрический отделенийжым вуйлатыше, педиатр Светлана Николаевна Сидоровалан;
Волжск оласе рӱдӧ больницын йоча поликлиникыжын педиатрический отделенийжын участковый педиатрже Светлана Анваровна Уралёвалан.
Тазалык аралтыш аланыште заслугылан да шуко ий пашам тыршен ыштымылан «Марий Эл Республик здравоохраненийын сулло пашаеҥже» чап лӱм дене Йошкар-Оласе городской больницын лучевой диагностике отделенийжын рентгенлаборантше Елена Петровна Козловам палемдыме.
М.ИВАНОВА
Фотом ВК соцкыл гыч налме
