24-25 майыште Йошкар-Олаште турист компаний-влакын слётышт лиеш.
Тудым Марий Элын спорт да туризм министерствыже Российысе туриндустрий ушем дене пырля эртара. Министертсвын специалистше-влакын ойлымышт почеш, тыгай слёт «шке валнет терген ончо» форматыште эртыше коллеге-влакын вашлиймаш, посна кумдыкышто Российысе сатум ужалыме опыт дене палыме лиймаш. Ушем тыгай мероприятийым 2014 ий гычак эртара. Тылеч ончыч Самара, Угарман, Калининград, Свердловск областьлаште, Хант-Манси автоном окугышто, Пошкырт велне, Белоруссий ден Германийыштат лийын.
Организатор-влак кажне гана палдарыше да деловой программым ямдылат. Тыгак экскурсий, презентаций конкурс, ушемын регионысо советшын заседанийже эртат. Ойыртемалтше-влакым палемдаш тӱҥалыт.
Тенисе слетын участникше-влак Козьмодемьянскыштат лийыт, круиз сезонным почыт, Остап Бендер дене шахмат дене модыт. Слетыш турфирме представитель, турист-увер рӱдер, регионысо турадминистрацийын еҥже-влакым ӱжыт.
С.Носова
