Марий Элыш толшо турист-влакын чотышт ий гыч ийыш шукемеш.
Тидыже республикыште туризмым вияҥден толмылан кугу тӱткышым ойырымым пеҥгыдемда. Марий Эл правительстве кӱкшыт гычак шуко ышталтеш. 2024 ийыште Чыкмаште «Юлысо этнотуризм рӱдер» проект дене келшышын эҥер дене кошто судно-влаклан шогалаш пассажир причалым пашаш колтымо. Тидлан кӧра тушко судныжат 20 процентлан шукырак пураш тӱҥалын. 2025-2027 ийлаште Юрино посёлкышто, 2026-2028 ийлаште Кокшайскыште причал-влакым чоҥен шуктышаш улыт.
Марий Элыште 2035 ий марте Туризмым вияҥдыме мастер-план ышталтын. Тудо туриндустрийын чыла велжым авалта: инфраструктурым, транспортым, уна-влакым вераҥдыме да кумылыштым нӧлтымӧ йодышымат. Планыште – 12 тӱҥ, кужу жаплан палемдыме 43 проект да писын шуктышашлык 32 темлымаш.
«Туризм да унам вашлиймаш» нацпроект кышкарыште тенийлан ойыралтше 46,5 миллион теҥге федерал бюджет гыч ойыралтеш:
– Йошкар-Оласе турист-увер рӱдерлан;
– событий дене кылдалтше мероприятий-влакым эртараш;
– туризм сферыште мер калыкын темлымашыжым шыҥдараш.
Снимкыште: Марий рӱдолше турист-влакым Йошка пырыс-влак эре порын вашлийыт.
Светлана Носован фотожо.
Марий
