10 — 14 ноябрьыште Марий Элыште Туризм арня эрташ тӱҥалеш.
Туризм отрасльыште ыштыше-шамычлан тудын кышкарыште тӱрлӧ семинар, тренинг, деловой модыш ден практикум-влак эртат. Российысе вӱдышӧ спикер-влак туныкташ толыт. Мероприятий Марий кугыжаныш университетын «Точка кипения» рӱдерыштыже лиеш.
Вес куандарыше уверат уло: Йошкар-Олаште турист-влакын коштмо маршрутлаште сылне объект-влак дене палдарыше картлам вераҥдылыт. Олан мэржын пашажым жаплан шуктышо Атнон Трудиновын палемдымыж почеш, тиде рӱдолан унаже-шамычлан кушто мо верланымым палдарыме пашан ик ужашыже гына. «Туризм да унам вашлиймаш» нацпроект почеш лишыл жапыште эҥер серыште у олымбал, урно- влакым вераҥдат. Вознесенский уремыште автобус-шамычланат шогалаш йӧнанрак лийшаш. Туштак йолын коштмо полосам келыштарышаш улыт.
