Йошкар-Олаш СберЛизинг полшымо дене КАМАЗ маркан 10 у троллейбусым кондат. Тыгай технике Российыш эше икымше гана веле толеш.
– КАМАЗ-62825 – тиде кызытсе жапын йодмыжым шотыш налын ыштыме, пеш йӧнан, экологичный транспорт.
– Автономный ходшо 30 километр марте шуэш – контактный сеть деч посна улшо районлаштат ыштен кертеш.
– Тудын кӱварже лапка, тидыже эркын тарванылше граждан-влаклан йӧнан.
– Тушко 90 наре еҥ пура да отечественный электродвигателян улмыжлан кӧра ласкан кудалеш.
– АВС, электрон табло… Икманаш, пассажир-влаклан йӧнан да лӱдыкшыдымӧ лийже манын, чылажат уло.
Проект Сбербанк-стратегичский партнёрын полшымыж дене илышыш шындаралтеш. Кодшо ийыште Герман Греф дене ойпидышым ыштыме. Марий Элын рӱдоласе транспортшым уэмдымашке надырым пыштымыжлан СберЛизинглан, КАМАЗ да «Транспортный рӱдер» ООО-лан тауштем. Тыге серен шке Телеграмм-каналыштыже регион вуйлатыше Юрий Зайцев.
