Апрельыште Йошкар-Оласе Турист увер-рӱдер ола дене палддарыше сборный экскурсий-влакым эртараш тӱҥалеш.
Тушко кажне каныш кече еда кумылан-влак ушнен кертыт. Экскурсовод-влак марий рӱдолан историйже, сылне луклаже, ойыртемалтше пӧртлаже, тушто илыше лӱмлӧ еҥ, архитектур ансамбль, кӱвар, скульптур-шамыч дене палдараш тӱҥалыт. Экскурсийлан 800 теҥгем тӱлыман.
Снимкыште: Йошкар-Оласе тӱвыра да каныме рӱдӧ паркыште – «Илышын пушеҥгыже» скульптур.
Светлана Носован фотожо.
