Йошкар-Ола гыч Казаньыш поезд дене, а чынрак каласаш гын, пригородный электричке дене кудалыштмым шукын шарнат. Но ик жап тудо коштмым чарныш.
«Содружество» АО кеҥежымсе паша радамыш куснен да пассажир-влакын йодмышт почеш 15 апрель гыч Казань гыч Йошкар-Олаш, Йошкар-Ола гыч Яранскыш электричкым колтен. Тыгай расписаний:
– Казань – Йошкар-Ола: кугарня, шуматкече, рушарня еда. Казань гыч 14 шагатат 18 минутлан лектеш да Йошкар-Олашке 17 шагатат 45 минутлан толын шуэш;
– Йошкар-Ола (7 шагатат 43 минутлан тарвана) – Казань (11 шагатат 05 минутлан толын шуэш): шуматкече, рушарня да шочмо еда;
– Йошкар-Ола – Яранск: кугарня, шуматкече да рушарня еда. Йошкар-Ола гыч 18 шагатат 11 минутлан лектеш, Яранскыште 20 шагатат 45 минутлан лиеш;
– Яранск (3 шагатат 50 минутлан тарвана) – Йошкар-Ола (6 шагатат 35 минутлан толын шуэш).
Электричке-влак октябрь марте кошташ тӱҥалыт.
Л.СЕМЕНОВА
