Кугыжаныш Погынын депутатше-влак нулевой лудмашыште республикыштына «Марий Эл Республикын сулло амалкалчыже» у чаплӱмым пуртымо нерген законын проектшым онченыт.
Темлымашым деловой сообществе ден амалкалче-влакын правашт шотышто уполномоченный ыштеныт. Тудо, республикыштына предпринимательствым вияҥдаш кумылаҥден да инвестицийым саемден, бизнесъеҥ-шамычын заслугыштым публично палемдаш виктаралтын. Тыгай чаплӱмым пошкудо регионлаште уже пуат, мутлан, Башкортостаныште да Чувашийыште.
Пытартыш увер почеш, Марий Элыште 23,5 тӱжем амалкалче ден 42 тӱжем утла самозанятыйым регистрироватлыме.
Маргарита ИВАНОВА.
Марий Эл Кугыжаныш Погынын фотожо.
