Экономике – таче
«Паша лектыш»
«Паша лектыш» нацпроект почешат республикна икмыняр регионал проект дене пашам ышта. Нунышт паша лектышым нӧлталме шотышто системный мерым ыштыме да адресно полшымо дене кылдалтыныт.
Нацпроект почеш пашам 7 предприятий федерал компетенций рӱдер (ФЦК) да 18 предприятий регионал компетенций рӱдер (РКЦ) вуйлатыме дене, а 5 предприятий шкевуя шуктен шогат. 2024 ий декабрьлан анык технологийым кучылташ 714 еҥым туныктен лукмо.
Тений ноябрь мучаште тунемме да практикым эртыме «Логистике процесс фабрике» у площадке сертификацийым эртен. Юл кундем кугыжаныш технологий университет негызеш «Процесс фабрике» да «Офис процесс фабрике» сайын пашам ыштат. Нине фабриклаште «Электроконтакт», «ИнвестФорэст», «Инструмент-Н», «Интекрон», «ПК Интерколд», «Сайвер» Шолэҥер химзавод», «Мета-Хром», «Кристалл» ОКТБ» обществе-влакын пашаеҥышт, тыгак Марий Эл кучем органын да Кугыжаныш Погын аппаратын еҥышт шинчымашым келгемденыт.
Юрий ИСАКОВ
Минпромторгын сайтше гыч налме фото
