23 февраль, Элым аралыше-влакын кечышт, вашеш «Саскавий» марий ӱдырамаш ушем уэш тыгай лӱман акцийым эртара.
Ты ганат ушемын еҥже-влак специальный военный операцийыште улшо рвезе ден пӧръеҥ-шамычлан посылкым колташ ямдылалтыт.
Тиде поро пашашке республикысе районла ден олала гыч кажне кумылан еҥ ушнен кертеш. Салтак-шамычлан тӱрлӧ кочкышым (колбасам, кампетым, печеньым, шинчалтыме киярым, помидорым, салатым, коштымо олмам…), носким, пижым, эмым (шкенан элыште ыштымым гын, сайрак) икмыняр молым колташ лиеш.
Посылкым кушко кондаш лийме да моло дене кылдалтше йодышым тыгай телефон номер дене рашемдыман: 89613787335.
Л.Камалетдинова
