УВЕР ЙОГЫН

Кумыт гыч — иктым

Марий Элыште Россий Пенсий фондын верласе органже-влакым иктыш ушымо паша мучашлалтын.
2 декабрь гыч Морко ден Звенигово районласе виктем-влакым Россий Пенсий фондын Волжск оласе район-влак кокласе виктемышкыже ушымо. Тидым калыкым приниматлыме паша дене кылдалтдыме службо-влакым рӱдераҥдыме кӱшеш бюджет средствам аныклыме шот дене ыштыме.
Структурысо вашталтышым Морко ден Звенигово районлаште илыше пенсионер-влак нигузеат огыт шиж, молан манаш гын клиент службо-шамыч калыкым ончычсо паша радам да адрес денак приниматлат.
Ушештарена: Россий Пенсий фондын клиент службыжо-влак калыкым ончылгоч возалтме почеш приниматлат. Шуко услугым тыгак электрон сервис полшымо дене налаш лиеш. А смартфон дене пайдаланыше-влак Россий Пенсий фондын iOS ден Android платформо-влаклан келыштарыме яра приложенийжылан эҥертен кертыт.

М.ИВАНОВА

Опубликовать в Одноклассники

Добавить комментарий